“Coal Mongolia-2018”

  • Нийтэлсэн огноо:: 2018-08-16
  • Үзсэн тоо: 1152

Зорилго

 

“Coal Mongolia” нүүрсний салбарын худалдаа, хөрөнгө оруулалтын олон улсын  чуулга уулзалт, үзэсгэлэн нь Монгол улсын нүүрсний салбарт хөрөнгө оруулалт татах, шинэ техник технологи нэвтрүүлэх, нүүрсний экспорт, худалдаа, тээвэр ложистикийг сайжруулах, Азийн зах зээлд Монголын нүүрсний салбарын өрсөлдөх чадварыг бэхжүүлэх зорилгоор 2011 оноос жил бүр амжилттай зохион байгуулагдсаар ирлээ.

 

2018 оны уриа

 

8 дахь удаагийн “Coal Mongolia-2018” нь “Технологийн дэвшилд хамтдаа” уриан дор 2018 оны 9-р сарын 4-5 өдрүүдэд, Шангри-Ла Улаанбаатар зочид буудалд өндөр дээд хэмжээнд зохион байгуулагдана.

 

Энэ жилийн чуулганы онцлог ба зорилт

 

Монголын нүүрс экспорт түүхэн дээд хэмжээнд хүрч, антрацит болон эрчим хүчний нүүрсийг баяжуулж экспортлож эхэлсэн нь энэ жилийн хувьд салбарын онцлог үйл явдлуудын нэг болж байна. Шинээр нүүрс баяжуулах үйлдвэрүүд баригдаж, зарим нь төслийн шатандаа хэрэгжиж эхэллээ. Салбар олборлолтоос баяжуулалт, боловсруулалт, тээвэрлэлтийн технологийн сорилттой тулгарч байна. Иймд энэ удаагийн чуулганаар технологийн дэвшлийг  онцолж, үйлдвэрлэгч-бэлтгэн нийлүүлэгчдийн  бизнесийн харилцаа, хамтын ажиллагааг бүтээлчээр, үр ашигтай өргөжүүлэх зорилт дэвшүүлж байгаагаараа онцлог юм.

 

Зохион байгуулагчид

 

Чуулганы ерөнхий зохион байгуулагчаар “Гложекс Консалтинг” ХХК, хамтран зохион байгуулагчаар Монгол нүүрс Ассоциац болон Хятадын нүүрсний зах зээлийн судалгааны томоохон компани Fenwei Energy Information Services Co.,Ltd (Fenwei) буюу www.sxcoal.com ажиллаж байгааг дуулгахад таатай байна.

 

Чуулганд хэн оролцох вэ?

 

  • Засгийн газрын гишүүд, яам агентлагийн газрын дарга, мэргэжилтэн
  • Нүүрс олборлолт, баяжуулалт, боловсруулалт, тээвэрлэлтийн компаниуд
  • Худалдаа, тээвэр ложистикийн компаниуд
  • Оператор компаниуд
  • Хөрөнгө оруулагчид, банк, санхүүгийн байгууллагууд
  • Хайгуул төсөл эзэмшигчид, жуниор компаниуд
  • Техник технологийн компаниуд, бэлтгэн нийлүүлэгчид
  • Зөвлөх үйлчилгээ, программ хангамжийн компаниуд
  • Эрдэмтэн судлаачид г.м

 

Чуулганд оролцсоноор ямар үнэ цэнийг авах вэ?

 

  • Салбарын лидерүүдтэй нүүр тулан уулзаж бизнесийн харилцаа хамтын ажиллагаа тогтооно.
  • Нүүрсний салбарын зах зээл, үнийн чиг хандлагын талаар дэлхийн шилдэг судлаачдын байр суурийг сонсоно.
  • Салбарын бодлого, төлөвлөлт, шинэ төслийн мэдээлэл авна.
  • Хөрөнгө оруулалтын төслүүдийг олно.
  • Борлуулалтаа нэмэгдүүлнэ.
  • Шинэ техник, технологийн үнэ өртөг, бүтээмжийн мэдээлэл авна
  • Бага зардлаар цаг хугацаа хэмнэн бизнесээ өргөжүүлнэ.
Сэтгэгдэл