1.1.  Энэхүү үйлчилгээний нөхцөл нь Майнспек ХХК болон Майнспек Ханбогд ХХК ны бараа бүтээгдэхүүн үйлчилгээг www.minespec.mn вэбсайтаар дамжуулан борлуулах, хүргэх болон хэрэглэгч худалдан авахтай холбоотой үүсэх харилцааг зохицуулна.
1.2.  Энэхүү журам нь хэрэглэгч худалдаа хийх, вэбсайтаар үйлчлүүлэхээсээ өмнө хүлээн зөвшөөрч баталгаажуулсны үндсэн дээр хэрэгжинэ.
1.3   www.minespec.mn  нь зөвхөн интернетээр дамжуулан худалдаа үйлчилгээ явуулах зорилготой вэбсайт юм.
1.4  “www.minespec.mn ” тэмдэгт нь Майнспек ХХК – ийн өмч байх бөгөөд энэхүү вэбсайтын нэр, лого, загвар, баннер зэргийг олшруулах болон өөр бусад зорилгоор ашиглахыг хориглоно.
1.5  Байгууллага тухай вэбсайтын мэдээллийн шинэчлэл, үнийн шинэчлэл, урамшуулал болон шинэ үйлчилгээний мэдээлэл зэргийг бүрэн хариуцна.
1.6  Хэрэглэгч вэбсайтын талаар санал гомдол, шүүмж зэргийг вэбсайтын журмын дагуу чөлөөтэй илэрхийлэх, илгээх эрхтэй.

1.7 Гэнэтийн болон давагдашгүй хүчин зүйл, бүх нийтийн амралтын өдрүүд, эрх бүхий байгууллага, албан тушаалтны шийдвэрээр хил, гаалийн үйл ажиллагаа саатах, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тодорхой хугацаагаар хүргэлтийн хугацаа хойшлогдож болно. Компани нөхцөл байдлаас шалтгаалан хүргэлтийн хугацаа хойшлогдсон талаар болон хүргэх боломжтой хугацааг хэрэглэгчид нэн даруй мэдэгдэнэ.

1.8 Хэрэглэгчээс гарсан гомдол, маргаантай асуудлыг www.minespec.mn цахим худалдааны сайтын үйлчилгээний нөхцөл, нууцлалын баталгаа болон Монгол улсын хууль дүрмийн дагуу шийдвэрлэнэ.

1.9 www.minespec.mn цахим худалдааны сайт нь үйлчилгээний нөхцөлдөө өөрчлөлт оруулах эрхтэй бөгөөд өөрчлөлт оруулсан тохиолдолд тухай бүр нийтэд нээлттэй байршуулах ба Хэрэглэгч худалдан авалт хийх бүртээ үйлчилгээний нөхцөлтэй танилцах үүрэг хүлээнэ.

2.1 Хэрэглэгч 24 цагийн турш тасралтгүй үйл ажиллагаа явуулдаг “www.minespec.mn ” цахим худалдааны сайтыг ашиглан хэдийд ч худалдан авалт хийх боломжтой.
2.2 Хэрэглэгч шаардлагатай мэдээллийг бөглөн бүртгэл үүсгээд худалдан авалт хийх боломжтой
2.3 Хэрэглэгч сонгосон бараа бүтээгдэхүүнээ сагсанд хийн зааврын дагуу 100% төлбөрөө шилжүүлснээр захиалга баталгаажин хүргэгдэхэд бэлэн болно.
2.4 Захиалга хийгдсэнээс хойш 48 цагийн хугацаанд төлбөр төлөх боломжийг олгож байгаа бөгөөд тус хугацаанд захиалгыг цуцлах, өөрчлөх боломжтой.
2.4 Хэрэглэгчийн захиалгийн төлбөр вэбсайт дээр байршсан төлбөр төлөлтийн баталгаажсан дансаар хийгдсэн тохиолдолд захиалгийг хүлээж авах боломж бүрдэнэ.
2.5 Захиалга хийгдэхэд хэрэглэгчийн бүртгүүлсэн и-мэйл хаягт мэдэгдэл илгээгдэнэ.

2.5 Захиалгын төлбөр 48 цагийн дотор Майнспек ХХК-н баталгаажсан холбогдох дансанд орж ирээгүй тохиолдолд захиалга автоматаар цуцлагдана. Цуцлагдсан захиалгыг дахин сэргээх боломжгүй бөгөөд хэрэглэгч хүсвэл захиалгыг дахин шинээр хийх боломжтой.
2.6 Хэрэглэгч нь худалдан авалтын захиалгатай холбоотой асуудлаар ажлын өдрүүдэд 8-16 цагийн хооронд, Minespec пэйж хуудас, вебсайтын чат болон 7575-4515 утсаар  холбогдож мэдээлэл авах, тодруулах боломжтой.

3.1 www.minespec.mn вэбсайтад байрласан бараа бүтээгдэхүүний үнэ нь банкны шимтгэл, хураамж (qpay, socialpay г.м), НӨАТ нэмэгдсэн эцсийн худалдаалах үнэ байна.

3.2 Хэрэглэгч интернет банк, мобайл банкаар төлбөр хийх,  QPAY ашиглан төлбөр тооцоог хийх блломжтой

3.3 Хэрэглэгч захиалгаа баталгаажуулан төлбөр төлөлтөө баталгаажуулсны дараа хийсэн захиалгын мэдээллийг цахимаар авна.

3.4 Хэрэглэгчийн хийсэн захиалга дахин давтагдашгүй дугаартай байх бөгөөд энэхүү дугаараар захиалгийн мэдээллээ өөрөө дэлгэрэнгүй харах бүрэн боломжтой.

3.5 Захиалга хийгдсэнээс хойш 48 цагийн дотор Хэрэглэгч нь төлбөрийг хүлээн авагчийн дансанд шилжүүлэх, байршуулах шаардлагатай. Төлбөрийг шилжүүлэх, байршуулахад системд заагдсан зааврыг зайлшгүй дагаж мөрдөнө.

3.6 Хэрэглэгч захиалгаар ирэх бараа бүтээгдэхүүнийг урьдчилж захиалж байгаа тохиолдолд тухайн бараа бүтээгдэхүүний төлбөрийг 100 хувь шилжүүлж байж захиалга бүрэн баталгаажна.

3.7 Хэрэглэгч www.minespec.mn  сайтад байгаа бараа бүтээгдэхүүний техникийн үзүүлэлт, танилцуулга, зураг, хэмжээ зэрэг мэдээлэлтэй сайтар танилцаж, захиалгаа нягтлах үүрэгтэй бөгөөд худалдан авсан бараа бүтээгдэхүүний захиалгаа цуцлан, буцаах тохиолдолд хэрэглэгчийн төлбөрийг буцаалтын нөхцлийн дагуу шилжүүлнэ.

3.8 Хэрэглэгчийн захиалсан бараа бүтээгдэхүүний загвар зөрсөн  тохиолдолд тус барааг солиулах эсвэл төлбөрийг буцаан олгох сонголтыг олгоно.

3.9 3.7-д заасан нөхцөл байдал үүсэхээс урьдчилан сэргийлэх зорилгоор Хэрэглэгчид захиалгаа баталгаажуулах 48 цагийн хугацааг олгож байгаа бөгөөд захиалгын төлбөр хийгдэж, захиалгаа баталгаажуулсны дараа Хэрэглэгч нь захиалгыг хүчингүйд тооцох,  бараа бүтээгдэхүүнийг хүлээн авахаас татгалзах үндэслэлгүй.

3.10 Захиалга буцаах үед хэрэглэгчид захиалгын төлбөрийг буцаан шилжүүлэхдээ ашигласан төлбөрийн хэрэгслийн сонголтоос хамааран тухайн банкны нөхцлийн дагуу гүйлгээний шимтгэл 1-3%-ийг хасч буцаан шилжүүлнэ.

4.1 Хүргэлтийн үйлчилгээг зөвхөн Улаанбаатар хотод үзүүлнэ. Орон нутгаас захиалга хийж байгаа тохиолдолд Орон нутгийн-н унаанд хүлээлгэж өгөх хүртэлх хүргэлтийг зохион байгуулна. Орон нутгийн унаанд дамжуулан хүлээлгэн өгөх ба дамжуулан хүргүүлснээс үүдсэн эрсдийг хариуцахгүй болно.

4.2 Захиалгыг баталгаажуулсан хугацаа, тээвэрлэлт, аюулгүй байдал зэргээс хамаарч захиалгын төлбөрийг бүрэн төлсөн өдрөөс хойш бараа бүтээгдэхүүнийг Улаанбаатар хот дотор 24-72 цагт хүргэнэ.

4.3 Хэрэглэгч захиалсан бараа бүтээгдэхүүнээ хүргүүлэхдээ хүргэлтийн хаягийг үнэн зөв, дэлгэрэнгүй бичих мөн холбоо барих өөрийн болон хоёрдогч гар утасны дугаарыг бичиж үлдээх ба шаардлагатай үед хүргэлтийн ажилтан залгахад дуудлага хүлээн авах үүрэгтэй.

4.4 Бараа бүтээгдэхүүний хүргэлтийг Майнспек ХХК зохион байгуулах бөгөөд хүргэлтийн үеийн бүрэн бүтэн байдлыг бүрэн хариуцаж арга хэмжээ авна.

4.5 Хот доторх хүргэлт нь хотын дараах хязгааруудад хийгдэнэ:

               СХД: 22-ын товчоо, Орбит

               ЧД: Чингэлтэй, 7 буудал

               СБД: Дамбадаржаа

               БЗД: Баянзүрхийн товчоо

               ХУД: Нисэх буудлын дэргэдэх товчоонууд гэсэн цэгүүдээр тогтооно.

4.6 Бараа бүтээгдэхүүний овор хэмжээ, хүргэгдэх бүсчлэлээс хамааран Майнспек ХХК-ны хүргэлтийн үнэ тариф, хугацааг мөрдөнө.

4.7 Захиалгаар ирэх бараа бүтээгдэхүүний бэлэн байдал, тээвэрлэлтийн хугацаанаас хамааран хэрэглэгчид хүргэх дундаж хугацаа ажлын 10-30 хоног байна.

4.8 Хүргэлтийн ажилтан бараа бүтээгдэхүүнийг худалдан авагчид хүлээлгэн өгөхөөс өмнө хүлээн авагчийн утасны дугаар мэдээллийг шалгана. Худалдан авсан бараа бүтээгдэхүүнийг хүргэлтийн ажилтан нь бүрэн бүтэн байдал, иж бүрдлийг нь сайтар шалгаж шаардлагатай бичиг баримтууд дээр гарын үсэг зуран худалдан авагчид хүлээлгэн өгнө.

4.9 Худалдан авагч нь бараа бүтээгдэхүүний бүрэн байдал, иж бүрдэл, тээвэрлэлтийн гэмтэл болон дагалдах бэлэг урамшууллыг шалгаж хүлээж авсны дараа хүргэлтийн баримт дээр гарын үсэг зурснаар бүрэн бүтэн хүлээн авсанд тооцно.